678670, с.Чурапча ул. Карла Маркса 19 +7(984)1182258 m.haacka@gmail.com

ЧУРАПЧЫГА 75 ҮТҮӨ ДЬЫАЛА ЭСТАФЕТАТА САҔАЛАННА

 

Чурапчы оройуонун дьаһалтатын ыччаты кытары үлэҕэ отделын исписэлииһэ Анастасия Даниловна Спиридонова улуус ыччатын координационнай Сэбиэтин чилиэттэрин кытары сүбэ мунньах ыытта. Улуу Кыайыы 75 сылын көрсө нэһилиэктэринэн итиэннэ биирдиилээн тэрилтэлэр бэйэлэрин баҕаларынан 75 сырдык, үтүө санаа эстафетатын саҕалыаҕыҥ диэн быһаарыныы ылыннылар.

Ол түмүгэр сэтинньи 4 күнүгэр, норуот Сомоҕолоһуутун бырааһынньыгар сөп түбэһиннэрэн Сэбиэт сэттэ чилиэнин кытары Чурапчы нэһилиэгэр олорор тыыл бэтэрээнэ Дария Иосифовна Лыткинаҕа, элбэх оҕолоох ийэҕэ Мария Юрьевна Бурнашеваҕа уонна доруобуйатынан хааччахтаах Василий Михайлович Петровка биирдии массыына иһэр муустарын бэйэлэрэ ылан, тиэйэн киллэрдилэр.

  

Бу үтүө санаа эстафетата Болугур нэһилиэгин уонна Чурапчы нэһилиэгин иһинээҕи ыччатыгар туттарыллан салгыы баран иһиэҕэ.

   

Итинэн сиэттэрэн улууспут хас биирдии олохтооҕо бу эстафета тула түмсэн ыытыллар дьаһалларга кыттан иһиэххит диэн бүк эрэнэбит.

 

Ааптар: Семен Жендринскэй.

Источник: UlusMedia