Сэтинньи 7 күнүгэр Чурапчы улууһун Чакыр нэһилиэгэр  «Сыыппаранан экономика» национальнай бырайыак чэрчитинэн өрөспүүбүлүкэҕэ бастакынан түргэн интернет киириитин үөрүүлээх аһыллыыта  буолла.

Манна СӨ инновацияҕа, сыыппаранан сайдыыга, инфокоммуникационнай технологияларга миниистирэ Анатолий Семенов, СӨ үөрэх уонна наука миниистирин солбуйааччыта Ньургуна Соколова, Чурапчы улууһун баһылыгын тутууга солбуйааччы Руслан Васильев,  «ДОЗОР ТЕЛЕПОРТ» САУо кэммиэрчэскэй дириэктэрэ Роман Зайцев, техническэй дириэктэрэ Евгений Поподьин кыттыыны ыллылар.

Түргэн интернеккэ Чакыр нэһилиэгин оскуолата уонна ФАП холбоннулар. Эрдэ оскуола спутник нөҥүө хабар интернетин түргэнэ сөкүүндэҕэ 512 кбит эбит буоллаҕына,  бүгүҥҥү түргэнэ — сөкүүндэҕэ 50 мбит. ФАП интернетин түргэнэ — сөлүүндэҕэ 10 мбит. Национальнай бырайыак чэрчитинэн холбоммут социальнай суолталаах тэрилтэлэр сибээстэрэ үс сыл устата федеральнай бүддьүөттэн үбүлэнэр.

«ДОЗОР ТЕЛЕПОРТ» САУо — социальнай суолталаах тэрилтэлэр сибээстэрин холбуур аукцион кыайыылааҕа. Кыайыылаах буоларын быһыытынан, үс сыл устата сибээскэ 1221 социальнай суолталаах тэрилтэни холбуоҕа.

Ааптар: Людмила ГОРОХОВА

Источник: UlusMedia