Бүгүн о.э. сэтинньи сэттистиир күнүгэр Чурапчы нэһилиэгэр Албан аат уонна Улуу Өктөөп 102 сылыгар анаммыт тэрээһин буолан ааста. Дойду үрдүнэн бу күн 1941 сыллаахха ыытыллыбыт байыаннай хааччыллыы көрдөрүүтүн ахтан-санаан, улуус оскуолаҕа байыаннай-патриотическай кулуубтарын түмсүүтэ, мустубут дьону кытары Кыайыы сквериттэн Александр Федотов аатынан ыспартыыбынай комплекска диэри сэлэлии хаамтылар.

Чурапчы оройуонун дьаһалтатын ыччаты кытары үлэҕэ отделын исписэлииһэ Анастасия Даниловна Спиридонова улуус ыччатын координационнай Сэбиэтин чилиэттэрин кытары сүбэ мунньах ыытта. Улуу Кыайыы 75 сылын көрсө нэһилиэктэринэн итиэннэ биирдиилээн тэрилтэлэр бэйэлэрин баҕаларынан 75 сырдык, үтүө санаа эстафетатын саҕалыаҕыҥ диэн быһаарыныы ылыннылар.

Бүгүн, сэтинньи ый 1 күнүгэр, Чурапчы нэһилиэгин Александр Федотов аатынан элбэх өҥөнү оҥорор ыспартыыбынай саалаҕа, билиҥҥи кэмҥэ бэйэтин суолтатын биллэ көрдөрбүт ППМИ, быһааран эттэххэ олохтоох көҕүлээһини өйүүр бырагыраама чэрчитинэн нэһилиэнньэ улахан түмсүүтэ тэрилиннэ. Чурапчы сайдыытыгар улахан хардыылары оҥорор бырагыраама олоххо киириэхтээх сүрүн боппуруостарын таарыйар мунньахха улуус баһылыгын эбээһинэһин толорооччуну социальнай боппуруостарга солбуйааччы Николай Аммосов, тутуу уонна архитектура боппуруостарыгар солбуйааччы Руслан Васильев, Чурапчы нэһилиэгин баһылыга Владимир Сивцев, нэһилиэк баһылыгын солбуйааччы Алексей Бурцев кыттыыны ыллылар.